Сѐ повеќе Македонци ги заменуваат грчките, црногорските и хрватските плажи со албанското приморје – не само за одмор, туку и за инвестирање. Цените на станови во Албанија се значително пониски: за 1.200 евра по квадрат може да се купи стан во Драч, Голем или Керет, додека во Валона и Саранда квадратот се движи околу 2.000–2.500 евра.
Тоа е поевтино и од Скопје и Охрид. За 37.000–50.000 евра можете да купите стан со поглед на море. Становите се користат и за одмор, и за издавање – инвестицијата брзо се враќа. Албанија нуди и луксузни комплекси, без данок на имот, со базени, ресторани, фитнес и плажа на чекор.
Трендот започнат пред неколку години не запира – интересот само расте. Дали и вие размислувате за свој стан на море?