Со оглед на климатските трансформации, граѓаните сведочат на сѐ понагли промени на временските прилики. Алармираат дека во летните месеци никој не сака да остане во Скопје поради неподносливата жештина, а кога ќе заврне се јавуваат други проблеми.
Со предупредување и професорот по биологија и истакнат еколог Кирил Арсовски Пржо.
- Градот и оваа распадната котлина (депресија) се и ќе се соочува со уште поголеми еколошки и природни катастрофи, носени од климатските промени - сериозни временски непогоди: суша, поплави и топлотни бранови - од година во година краткотрајни, но интезивни поплави и порои во Скопскиот регион се се поголема катастрофа, а до сега поплавите историски однеле најмногу човечки животи, последен пат во август 2016 со големата поплава во Стајковци, напиша тој во својата анализа на фејсбук.
Како што вели сериозни и долготрајни суши се предвидуваат во сите идни климатски сценарија, со серизоно намалување на просечните врнежи за дури 19% што го доведува во опасност директно секој аспект од животот во градот.
- Топлотни урбани острови се повеќе се шират низ сите скопски населби. Ова прави градот и граѓаните во овие урбани, бетонски заедници да се варат буквално во своите домови.
- Топлотните бранови не пропуштаат ниту едно лето во последната декада, каде при постојана дневна температурата од над само 30.8 °C директно влијаат врз зголемување на смртност за 4,8% пореди влијание на топлината.
- Во Скопје се зголемуваат и просечните ноќни температури што ја ограничуваат можност за добар психолошки одмор и ја зголемуваат појавата на топлински поврзани болести
- Климатските модели, предвидуваат топлотни бранови кои започнуваат порано во година и траат подолго во летото.
- Градот моментално нема развиени План за топлинска отпорност, со што граѓаните се оставани сами на себе и на временската прогноза, предупредува Пржо.