Во услови на постојан раст на цените и ограничени приходи, сè повеќе луѓе купуваат со одложено плаќање. Она што порано било резервирано за поголеми трошоци, денес важи и за секојдневни работи. Дури и производи што некогаш се плаќале веднаш, сега се делат на 6, 12 или 24 месеци.
Финансиските аналитичари велат дека ова покажува две работи, односно граѓаните сакаат да го задржат животниот стил, но сè потешко можат да го покријат со тековните примања.
„Ратата стана нова плата“, коментираат граѓани на социјалните мрежи.
Особено расте интересот за купување техника, автомобили, па дури и патувања преку месечни отплати. За дел од луѓето тоа е единствен начин да си дозволат нешто повеќе. Но за други, тоа полека создава чувство дека секој следен месец веќе е однапред потрошен.