Според новата одлука, бензините поскапуваат за два денари по литар, додека дизелот ќе има повисока цена за еден денар. Просечното зголемување на малопродажните цени изнесува 1,55 проценти.
Со промената, максималните цени на горивата ќе изнесуваат:
-
ЕУРОСУПЕР БС-95 – 93 денари за литар
-
ЕУРОСУПЕР БС-98 – 95 денари за литар
-
ЕУРОДИЗЕЛ – 100 денари за литар
Цената на екстралесното масло за домаќинство останува иста и ќе изнесува 110 денари за литар. Мазутот, пак, поскапува за 1,30 денари за килограм, со што новата цена ќе достигне 55,573 денари.
Од РКЕ информираат дека при формирањето на новите цени биле земени предвид движењата на референтните цени на нафтените деривати на светскиот пазар, како и промените на курсот на денарот во однос на американскиот долар.
Во пресметката се вклучени и владините мерки за намален ДДВ кај дизелот и пониски акцизи за бензините и дизел-горивото.
Од Регулаторната комисија појаснуваат дека станува збор за максимални малопродажни цени, што значи дека бензинските пумпи имаат можност да ги продаваат горивата и по пониски цени.