ЈП „Водовод и канализација“ – Скопје информира дека поради дефект на затворачи на водоводната линија на булеварот „Крсте Мисирков“ и Кеј „Димитар Влахов“, утре (сабота) ќе се изведуваат технички зафати на водоводната мрежа.
Поради интервенцијата, без водоснабдување од 9:00 до 22:00 часот ќе останат:
- Објектот на МАНУ,
- Основен суд 2,
- Младинскиот културен центар,
- Универзитетската библиотека,
- Универзитетот „Св. Кирил и Методиј“,
- ТЦ „Мавровка“,
- дел од Старата скопска чаршија,
- Саат-кулата,
- улиците „Петар Ѓеоргиев“, „Отокар Кершовани“ и „Адвокатска“,
- дел од булеварот „Крсте Мисирков“,
- населбата Крњево,
- објектот на Македонската телевизија и
- трговскиот центар „Ист Гејт“.
Од ЈП „Водовод и канализација“ информираат дека во населбата Автокоманда, во ниската зона до Камник, ќе има намален притисок на водата или можен прекин во водоснабдувањето.