Најдобриот град во светот за работа од дома е Мелбурн, според ранг-листата на платформата за недвижнини „Нестпик“.
Мелбурн доби највисоки оценки во неколку категории важни за условите за живот, како што се безбедноста, здравствената заштита, културата и слободните активности, како работата од дома. Австралиската метропола е исто така само еден од 10-те градови на ранг-листата на Нестпик што нуди „дигитална номадска“ виза - специфичен документ што им овозможува на самовработените и странските работници да работат од дома во таа земја.
Дубаи е на второто место, Сиднеј е на третото, следен е Талин, Лондон, Токио, Сингапур, Глазгов, додека првите десет ги заокружуваат Монтреал и Берлин. Градовите беа оценети во три општи категории - трошоци и инфраструктура, законодавство и слободи и услови за живот. На пример, кога станува збор за трошоците и инфраструктурата, беа анализирани цените и достапноста на соодветниот канцелариски простор во домот.
Во случајот на Мелбурн, просечната кирија за еднособен стан е 681 евра месечно. Во тој поглед, Сан Франциско е најскап со цена за изнајмување простор за домашна канцеларија од 1.736 евра месечно, додека Рио де Жанеиро е најевтин со просечна кирија од 119 евра месечно.
