Повеќе од еден од 10 Американци инвестирале во криптовалути во изминатата година, покажува новото истражување објавено од Универзитетот во Чикаго, кое укажува на популарностa на дигиталните валути како што се биткоиниот и етерот, пишува „CNBC“.
Поконкретно, 13% од испитаниците купиле криптовалути во последните 12 месеци. За споредба, 24% од Американците инвестирале во акции во истиот период, покажа студијата.
Инвеститорите можеби беа водени од падот на цените на криптовалутите на почетокот на оваа година. Всушност, повеќето од нив (61%) купиле криптовалути во последните шест месеци, според „NORC“, истражувачката група на Универзитетот што ја објави студијата.
Во средината на април, биткоинот достигна цена од околу 63.000 долари, што беше скок од 116% од вредноста од 29.000 долари на почетокот на 2021-ва година.
„Coinbase“, најголемата берза за размена на дигитални валути во САД, излезе во јавноста во средината на април. И познати личности како е извршниот директор на „Tesla“ и „SpaceX“, Илон Маск, исто така изразија ентузијазам за инвестирање во криптовалути. Во мај, „Tesla“ објави дека ќе прифати биткоини како плаќање за купување на возила. (Тогаш Маск ги заврши овие планови поради еколошки проблеми поврзани со рударството на биткоин).
Сепак, вредноста на криптовалутите може значително да варира.
Од петокот наутро, цената на биткоинот падна на околу 32.000 долари – околу половина од пикот што го достигна во април, но сепак ужива раст од скоро 10% од почетокот на годината.
Оваа нестабилност доведе до тоа некои финансиски експерти да ги нарекуваат криптовалутите шпекулативно средство. Финансиските советници генерално препорачуваат инвеститорите во криптовалути да насочат само мал дел од своите портфолија во оваа насока.
Само 11% од оние кои не инвестираат во криптовалути велат дека имаат силна или донекаде веројатност да започнат со трговија со нив во следните 12 месеци, покажа истражувањето.
Општо земено, инвеститорите во криптовалути се помлади и поразновидни во однос на полот, расата и етничката припадност отколку инвеститорите во акции.
