Според последните достапни податоци од сите шест државни заводи за статистика на поранешна Југославија, во јули највисоката просечна нето плата е забележана во Словенија, речиси 1.250 евра, наспроти хрватските 940 евра, српските 550 евра, Црна Гора со 532 евра и Босна и Херцеговина со просечна нето плата од 513 евра. На дното на листата е Северна Македонија, со нешто повеќе од 460 евра нето плата.
Меѓутоа, од почетокот на годината, целиот регион, исто така, забележа зголемување на инфлацијата. Во јули, таа изнесува 3,1 проценти годишно во Хрватска, 2,4 проценти во Словенија и 3,3 проценти во Србија, 2,7 проценти кај нас и 0,3 проценти во Црна Гора, и иако се уште се движи во поставените рамки на централните банки, загрижува нејзиниот позитивен тренд, кој забрзува.
Сепак, не може да се каже дека трендот на раст на инфлацијата е ограничен само на поранешните југословенски држави, туку во овој момент тој е актуелен низ целиот свет поради акумулираните инфлаторни притисоци од сите страни.
Извор: biznisinfo.mk
