Денес речиси сите имаме свој пар слушалки преку кој слушаме музика, но и разговараме.
Сепак, малкумина знаат дека тие можат да бидат лоши за нивното здравје.
Истражувањата покажаа дека ваквите слушалки се причина за губење на слухот кај децата и тинејџерите. Нарушениот слух се јавува поради оштетување на заситените влакна во ушите наречени кохлеа, кои се одговорни за звукот нежно и безбедно да допре до нашиот мозок.
Исто така, директниот звук што се емитува преку слушалките може да го оштети тапанчето. Ако ја прилагодите јачината на звукот на 75 проценти, најверојатно вашиот слух ќе се оштети по подолг период.
Има случаи кога луѓето имале проблеми со запушување на увото и инфекции. Многу лекари сметаат дека поголемата акумулација на восок во ушите, застојот и болестите на ушите се должат на употребата на слушалки.
На што треба да внимавате?
Ако слушнете зуење или некој придушен звук, постои можност веќе делумно да сте го оштетиле слухот.
Во тој случај, треба да посетите лекар за да спречите дополнително оштетување на слухот. Исто така, треба да посетите лекар во случај на лепење на ушниот канал и прекумерна акумулација на церумен.
Слушалките нема да бидат опасни за вас доколку почитувате одредени правила. Она што важи за сите типови слушалки е да се внимава на јачината на звукот. Секогаш одржувајте го под 60 проценти и паузирајте барем на секој час.
Не треба да носите ни еден вид слушалки повеќе од 60 минути. Кога станува збор за слушалките, важно е да се внимава на хигиената. Не се препорачува да ги споделувате слушалките со други, бидејќи на тој начин може да пренесете бактерии и инфекции. Исто така, се препорачува редовно да ги чистите – користете памучна вата натопена со малку алкохол или некое средство за дезинфекција.
