Во време на растечката инфлација, која го зафати целиот свет, клиентите во трговските центри повеќе не можат да ги следат цените во продавниците – тие понекогаш дури и се менуваат на дневна основа.
Сепак, тоа не значи дека барем малку можете да го „повратите“ вашиот буџет. Ова се ефективни начини да заштедите при купување, дури и во деновите на голема криза.
Обрнете внимание на храната со „особено долг рок на траење“, како ориз, тестенини, кафе, масло и чај. Овие намирници често се на попуст, па би било добро да ги искористите попустите. Најмалку еден бренд е секогаш со попуст.
Купувајте поголеми пакувања, бидејќи тие секогаш се исплаќаат повеќе, без разлика дали се работи за сок, семеен сладолед или прашок за перење. На почетокот ќе платите повеќе отколку за помал пакет, но ќе ви трае многу подолго. Дополнително, поголемите пакети се почесто на попуст од помалите.
Изберете сопствени брендови на трговски синџири, бидејќи по правило тие се многу поевтини од другите брендови кои продаваат исти/слични производи. Во некои објекти околу касата често има полна кошница со производи кои „наскоро“ ќе истечат, па би било добро да ги искористите тие промоции.
Направете план/список пред да одите во продавница, бидејќи на тој начин ќе го избегнете ефектот на импулсивно (читај: непотребно) купување. Држете се до списокот цело време.
Освен тоа, еве уште една „финта“: ако сте излезени на појадок, внимавајте на пецивата во супермаркетот, бидејќи и тие се свежи и вкусни како во пекара, а често и многу поевтини. Ако забележите дека во последно време сте малку „преоптоварени“ со пазарење, тргнете ја картичката и почесто користете готовина – на тој начин поефикасно ќе го следите одливот на пари.
Извор: biznisinfo.mk
