Островот Ангвила оваа година би можел да заработи десетици милиони долари само од неговиот интернет домен кој завршува на .AI
Ангвила се наоѓа на Мали Антили, има околу 13.500 жители и многу популарен домен, чија екстензија е AI, односно кратенката за вештачка интелигенција (artificial intelligence).
Тој го поседува доменот уште од деведесеттите години на минатиот век, но неодамна стана „жешка стока“, особено од крајот на минатата година кога интересот за вештачката интелигенција и доменот .AI се разгоре по лансирањето на ChatGTP.
Поради оваа причина, се повеќе технолошки стартапи, но и големи и познати ИТ компании (вклучувајќи ги Google и Microsoft) регистрираат .AI домени со цел да привлечат посетители заинтересирани за вештачка интелигенција на нивните сајтови.
Минатата година бројот на регистрирани домени во Ангвила се удвоил на 287.432, а годинава се очекува уште поголем пораст на бројот на неговите корисници, што според проценките на тамошниот национален регистар на интернет домени може да донесе приходи од 25 милиони до 30 милиони долари.
Колку пари се ова за Ангвила покажува податокот дека БДП на целиот остров во 2021 година изнесувал 300 милиони долари.
Извор: usb.mk
