Откако државите ширум светот ги затворија своите граници пред неколку месеци, многумина од нас фантазираат за сите места што ќе ги посетат кога конечно ќе дојде крајот на пандемијата.
Како што границите повторно отвораат и ограничувањата полека се укинуваат, можноста за патување повторно стана реалност. По неколкумесечните падови на приходите во туризмот, популарните дестинации ширум светот нудат посебни аранжмани за туристи со цел да ги привлечат во новата ера на патување, пишува Klix.
Така на пример, ако одлучите да го поминете летото во Узбекистан, треба да знаете дека оваа земја им ветува на туристите обештетување од 3.000 долари доколку за време на нивниот престој се заразат со коронавирусот. На овој начин Узбекистан сака да ги убеди туристите дека е безбедна дестинација.
Канкун, во југоисточно Мексико, започна кампања со која нуди две бесплатни ноќевања за сместување на секои две кои се платени и ги надоместува трошоците за еден авионски билет за да ги охрабри посетителите да понесат придружба.
Во мај, сопственикот на казино Дерек Стивенс рефундираше повеќе од 1.000 летови кон Лас Вегас за да го заживее домашниот туризам во САД.
Бугарија престана да им наплаќа посетителите за лежалки, чадори и маси на своите популарни плажи.
Во Швајцарија, Geneva Tourism ги претстави „Женевските кутии“, кои нудат попуст до 65 проценти.
Во меѓувреме, Кипар, кој ги отвори своите граници со одредени земји, вети дека ќе ги покрие трошоците за сместување, храна, пијалоци и лекови за посетителите заразени со коронавирус за време на нивниот престој на островот.
.jpg)
