Не е лесно да признаете дека вашата работа станала „притисок“, дека кариерата ја изгубила својата цел и дека е време за некои нови предизвици. За среќа, не сте сами во оваа животна дилема. Денес се повеќе вработени се одлучуваат за целосна промена на кариерата.
Речиси секој петти вработен размислува за промена на работното место. Најчесто дававме отказ поради лошите меѓучовечки односи или поради тоа што чувствувавме дека компанијата не нѐ цени доволно. На второ место е платата, а потоа лошото влијание на работата врз здравјето и неможноста за професионално напредување (стекнување нови знаења и вештини).
Експертите препорачуваат, пред да се донесе ваква важна животна одлука некои работи треба да се стават на хартија. Пред да го напуштите вашиот сегашен работодавач, корисно е да ги измерите добрите и лошите страни и да останете ладни и да ги разгледате сите фактори кои влијаат на вашата одлука.
Најчесто поставувани прашања:
- Кои се главните причини за заминување? Можете ли да промените нешто во компанијата?
- Запишете ги добрите и лошите страни на останувањето на работа. Дали сте реални во вашата одлука?
- Дали постојат начини на кои можете да создадете поголема флексибилност во вашата моментална работа?
- Дали баравте покачување или унапредување?
- Дали сте разговарале за вашата ситуација со пријателите и семејството?
- Дали планирате некоја друга работа? Ако немате, дали сте доволно финансиски стабилни за да останете без работа додека не најдете нова?
Сè уште се прашувате: „Дали да ја напуштите работата?“. Ако одговорот е ДА, можеби сега е вистинското време да започнете да барате нова кариера. Во останатиот дел од текстот, презентираме неколку вообичаени причини поради кои луѓето често ги напуштаат своите работни места, како и совети како да ги исправите овие проблеми (ако е можно).
Не сте доволно платени за вашата работа
Иако парите не треба да ви бидат главна причина за напуштање на работата, прениските примања и стремежот за подобар животен стандард се нормални причини поради кои треба да ја напуштите работата. Недоволната финансиска компензација за работата може да доведе до растечко незадоволство.
Погрижете се добро да го истражите пазарот на труд пред да поднесете оставка. Не очекувајте го невозможното. Исто така, не заборавајте за придобивките што ги добивате од вашиот сегашен работодавач.
Внимателно истражете што има да понуди вашиот иден работодавач и колку всушност ќе имате корист од преселувањето на нова работа. Се разбира, не заборавајте да разговарате за оваа тема со вашиот сегашен работодавач. Ако не можете да постигнете никаков консензус, време е да свртите нова страница.
Ви недостига поддршка од колегите и претпоставените
Недостатокот на поддршка од колегите или претпоставените е честа причина за напуштање на работното место. Позитивните повратни информации ја зголемуваат мотивацијата и продуктивноста на работниците, што доведува до поголемо задоволство. Од друга страна, континуираното критикување и игнорирањето на својот труд и работа доведува до пад на продуктивноста и интересот за работа. Доколку сте во таква работна средина, пред да ја донесете конечната одлука, обидете се да разговарате со претпоставениот за проблемот што ве мачи. Обидете се да разговарате за истото со вашите колеги. Ако и после тоа не гледате никакви промени, тогаш ваквата работна средина не е за вас.
Вашата улога во компанијата постојано се менува, но не на подобро
Аквизиции, спојување одделенија, намалување/зголемување на бројот на вработени - ова се вообичаените циклуси на секоја компанија. Меѓутоа, проблемот настанува доколку вашата улога во сите овие процеси постојано се менува, но не на подобро. Честите промени во компанијата, несигурноста на работата и неизвесноста можат да создадат непотребен стрес. Се разбира, сите ние често ги сфаќаме таквите промени премногу сериозно. Токму поради оваа причина, пред да донесете каква било одлука, обидете се реално да ја погледнете ситуацијата. Составете листа на прашања и обидете се да ги добиете одговорите од претпоставените. Можеби проблемот е поради недостаток на комуникација и можеби краток разговор со директорот може да ви помогне. Доколку и тогаш не добиете конкретни одговори или промена на постоечкиот договор, ваквото искуство ќе ви биде добра школа за во иднина.
Културата на работното место е токсична и не е усогласена со вашите вредности
Ова е една од најчестите причини за заминување. Токсичната работна средина каде што вашиот стил на лидерство не се усогласува со вашите вредности може да направи хаос на вашето ментално здравје. Исто така, таквата средина може да доведе до замор, недостаток на мотивација и попречен професионален развој.
Таквите проблеми често се длабоко вкоренети, а нивните промени може да бидат многу тешки. Пред да одлучите да ја напуштите компанијата, обидете се да дознаете зошто се развива токсичната средина. Можеби само една личност го создава овој проблем. Можеби некој друг оддел нема такви проблеми.
Вие сте “прегорени” од работа
Се чини дека стресот стана составен дел од животот, но потребно е да се најде таа златна средина за да не се “прегори”. Токму тоа е местото каде што количината на стрес не ве истроши, туку ве држи „будни“. Во моментот кога вашето работно место ќе почне да создава прекумерна количина на стрес, време е да направите некои промени. Во такви ситуации треба да тргнете од себе.
Пред да одлучите да го напуштите работното место, обидете се да внесете промени во вашиот начин на работа. Ако роковите се главната причина за вашиот стрес, распоредете ги вашите обврски поинаку. Исто така, во текот на работното време, направете неколку мали паузи за да се одморите.
Одете на кратка прошетка, разговарајте со колегите или едноставно можете да побарате помош во компанијата од колегите за човечки ресурси. Но, ако одлучите дека вашето исцрпување е специфично за вашата моментална работа, почнете да истражувате други опции и нови компании.
.jpg)
