Според изјавата на градоначалникот Орце Георгиевски, по преземањето на функцијата, Град Скопје побарал од австрискиот производител „Doppelmayr“ да изврши детална експертиза на системот.
Наодите покажале сериозни проблеми:
? Оштетени сајли – носечките и влечните сајли биле во состојба под дозволените безбедносни стандарди.
? Неисправни сензори – дури 3 од 4 безбедносни сензори за движењето на кабините не функционирале.
Поради утврдените ризици, било одлучено жичарата итно да престане со работа, со цел да се спречи можен инцидент.
Реконструкцијата веќе е договорена со „Doppelmayr“, а во наредниот период се очекува да пристигнат оригиналните резервни делови и специјализиран тим кој ќе ги изведува работите.
Целта е жичарата повторно да биде ставена во функција по целосната реконструкција и проверка на безбедносните системи.