Норвешкиот аеродром Бодо е прогласен за најдобар во Европа според најновата анализа на компанијата „AirHelp“, која ги рангира аеродромите врз основа на точноста на летовите, квалитетот на услугите и целокупното патничко искуство.
Во истражувањето биле анализирани 279 аеродроми од 76 земји, а конечната оцена е формирана врз основа на три критериуми: точност на летовите (60 проценти од оценката), искуство на патниците (20 проценти) и удобност и содржини (20 проценти).
Аеродромот Бодо, кој се наоѓа северно од Арктичкиот круг во Норвешка, е деветти најдобар аеродром во светот. Дури 87 проценти од летовите таму пристигнале навреме во периодот од мај 2025 до април 2026 година. На второто место во Европа се најде аеродромот Билунд во Данска, кој добил високи оценки за патничкото искуство и удобноста. Следуваат аеродромите во Билбао (Шпанија), Берген Флесланд (Норвешка) и Истанбул Хавалимани (Турција), кои ја комплетираат европската топ 5 листа.
Најдобри аеродроми во Европа во 2026 година:
- Бодо (Норвешка)
- Билунд (Данска)
- Билбао (Шпанија)
- Берген Флесланд (Норвешка)
- Истанбул Хавалимани (Турција)
Од друга страна, листата на најлошо оценети европски аеродроми ја предводи аеродромот „Умберто Делгадо“ во Лисабон, кој е рангиран на 274. место од вкупно 279 анализирани аеродроми во светот. Главна причина за лошиот пласман е ниската оценка за навременост на летовите. Незадоволителни резултати забележале и аеродромите Родос Дијагорос во Грција, Манчестер во Велика Британија, Хераклион на Крит и Ница Азурен Брег во Франција.
Најлоши аеродроми во Европа во 2026 година:
- Лисабон Умберто Делгадо (Португалија)
- Родос Дијагорос (Грција)
- Манчестер (Велика Британија)
- Хераклион (Грција)
- Ница Азурен Брег (Франција)
Рангирањето се базира и на оценките на речиси 14.300 патници од 76 земји, кои ги оценувале чистотата, пристапноста, услугата на персоналот, времето на чекање, сигнализацијата, како и понудата на ресторани и продавници на аеродромите.
Извор:trn.mk