Прага ја предводи Европа, туристичките дестинации доминираат
Според извештајот на Најт Франк (Wealth Report 2026), цените на луксузните недвижности пораснаа во повеќе од половина од околу 50 европски градови, со годишен раст над 3 oтсто. На врвот на листата беше Прага, каде што цените се зголемија за дури 14,6 отсто во 2025 година.
Силен раст е забележан и во Мерибел (+9 отсто), Порто (+8,5 отсто) и Марбеља (+8,1 отсто). Раст над 6 отсто е забележан и во Куршевел, Фиренца и на езерото Комо. Заеднички именител на водечките пазари се луксузните скијачки дестинации, медитеранските туристички зони и културно привлечните градови - односно локации кои нудат комбинација од животен стил и инвестициски потенцијал.
За разлика од туристичките дестинации, клучните финансиски центри забележаа послаби резултати.
Лондон го забележа најголемиот пад во Европа - цените на луксузните недвижности паднаа за 4,7 oтсто. Главната причина е промената на даночните правила за богатите жители, што ја намали куповната моќ и ги охрабри некои инвеститори да изнајмуваат наместо да купуваат.
Умерен раст во главните градови
Повеќето европски главни градови забележаа стабилен, но умерен раст: Мадрид (+5 отсто), Осло (+4,2 отсто) и Берлин (+3,4 отсто). Послаб раст е забележан во Лисабон (+2,7 отсто), Даблин (+2,3 отсто), Виена (+1,3 отсто) и Париз (+1,3 отсто), додека Стокхолм благ пад (-0,7 отсто), а Единбург стагнираше.
Извор:faktor.mk