Прегледот на состојбата со загадувањето на веб-страницата AQIcn.org, откри дека најзагадената точка во Македонија околу 22 часот синоќа била забележана на мерна станица, која се наоѓа во дворот на струмичкото основно училиште „Никола Вапцаров“ и градинката „Детска радост“.
Таму AQI-индексот, кој комбинира повеќе загадувачки параметри, достигнал вредност 339, што се смета за „опасно“ дури и за потполно здравите луѓе.
Незначително помалку загаден бил воздухот и во Кичево, Скопје и Гостивар, каде овој индекс се движи помеѓу 200 и 300.
Во главниот град, критични точки биле Карпош 2, Карпош 4 и Аеродром, каде е забележана вредност на AQI-индексот од околу 250.