Најмногу отворени позиции има за продавачи – 496, а веднаш зад нив се операторите во кол-центри со 490 работни места. За хигиеничари на станбен и деловен простор има 407 отворени позиции.
Меѓу најбараните повторно се и келнерите, со 368 слободни работни места, што се поврзува со сезонската побарувачка и заминувањето на дел од работниците на работа во странство. За општи работници има 307 отворени позиции, додека се бараат и 303 шанкери.
Од останатите занимања, има 237 слободни места за административни службеници, 192 за работници за сортирање, а за програмери се отворени 119 позиции.
По сектори, најмногу слободни работни места има во трговијата на големо и мало – 1.582, потоа во сместување и послужување храна – 1.525, а на третото место се административните и помошните дејности – 1.178 позиции.