Одлуката се однесува на отворање преговори со Албанија, Босна и Херцеговина, Црна Гора, Косово, Северна Македонија и Србија за роаминг во јавните мобилни комуникациски мрежи.
Според најавите, Советот на ЕУ формално ќе ја усвои одлуката на 4 јуни, по што преговорите можат да започнат со секоја земја од регионот поединечно.
Кипарското претседателство со Европската Унија објави дека силно го поддржува европскиот пат на Западен Балкан.
„Проширувањето на зоната без роаминг е јасен знак за нашата посветеност кон регионот. Со нетрпение го очекуваме формалното усвојување на одлуката со која се одобрува отворањето на преговорите за договори“, изјави портпаролот на кипарското претседателство.
Во јануари оваа година, регулативата беше проширена на Украина и Молдавија, иако тие земји не се членки на ЕУ.
Европските претставници очекуваат преговорите да завршат до крајот на оваа година.
Идеално, роамингот меѓу земјите од Западен Балкан и Европската Унија би можел да се укине веќе следната година.
Сепак, европските претставници нагласуваат дека сè зависи од подготвеноста на земјите од регионот да напредуваат во овие преговори.
Во февруари, Европската комисија предложи укинување на роамингот за Западен Балкан.
„Роаминг како дома“ важи за земјите-членки на ЕУ и земјите од Европската економска зона, пренесува Радио Слободна Европа.