Оваа техника, доколку малку подобро размислите, не е никакво магично стапче, ниту пак нешто слично.
Овој древен ритуал со векови се користи како помошно средство при носење важни одлуки, решавање проблеми кои ве мачат.
Имено, тој претставува техника на манифестација и нè учи како со позитивни и правилни мисли да добиеме сè што сме помислиле.
Сè што треба да направите е пред спиење, на хартија да напишете тоа што сакате да го привлечете во својот живот и тоа да го ставите под перница.
Сè додека не „потонете“ во сон размислувајте на своите желби, замислувајте како би се чувствувале доколку истите се остварат.
Оваа техника на манифестација најдобро функционира доколу „останете фокусирани само на својата желба“. Насочете го вашиот ум кон желбите, доколку тој почне мислите да ги насочува на нешто друго. Доколку почнете да ги сонувате вашите желби, тоа е знак дека привлекувањето на некој начин делува.
За сè во животот потребно е време, така што потребно е да бидете трпеливи. Не постојат алати за манифестирање освен вашиот ум и одлучност.
Оваа техника нè тера мислите да ги фокусираме на тоа што го сакаме и што ни е моментално приоритет. Кога мислите се фокусирани на желбите и целта, ние и несвесно доаѓаме до нивно остварување, затоа оваа техника е делотворна.
