Стапката на невработеност никогаш не била помала. Таа изнесува само седум проценти и затоа недостатокот на работна сила и зголемените трошоци на процесот на пронаоѓање вработени негативно влијаат на резултатите на компаниите.
Денес работодавачите веќе не бираат вработени, туку вработените бираат работодавачи. Покрај недостигот на работна сила, има уште еден предизвик - работниот век на вработените во една компанија е скратен и статистиката покажува дека дури 70 проценти од милениумците менуваат работа во рок од 2 години, а тие се најважни за работниот процес.
Неопходно е да се најде решение како да се задржат вработените.
Дури 70 отсто од вработените сакаат флексибилност и опција за повремена работа од дома, 65 отсто сакаат поголем физички контакт со своите тимови, 76 отсто изјавиле дека доживеале т.н. исцрпеност на нивните работни места, а над 40 отсто од нив размислуваат да ја променат работата.
Вработените се тие кои поставуваат прашања.
Високи 80 проценти од вработените велат дека културата на компанијата и грижата за работниците им се поважни од платата.
„Она што им е важно на луѓето денес за да се вработат некаде, е природата на самата работа како и поддршката од менаџерите и тимските лидери. Понатаму, тоа се развој и образование, рамнотежата помеѓу деловниот и приватниот живот, платите и бенефициите во компанијата”, велат експертите.
Најголем предизвик е да се задржат постарите работници, односно тешко е да се најдат и потоа да се задржат, бидејќи лесно можат да си заминат, да отворат паушален бизнис, да работат во странска компанија со опција за работа на далечина.
Затоа потребен е правилен пристан кон вработените. Во случајот да се нагласи чувството на припадност кон компанијата како и индивидуалниот пристап кон секој работник.
Важно е менаџерот навистина да ги води луѓето, да ги следи и да им помага. Искуството на вработените е многу индивидуална тема и така треба да се пристапи кон неа.
Едни се барањата на работниците во производството и транспортот, а други на оние кои работат канцелариски работи. За возачите не е важно дали имаат велнес програма, туку да им ја олеснат физичката напорна работа.
Заклучокот е следен: "Искуството на клиентите доаѓа од вработените и затоа е важно тие да се едуцирани и мотивирани, а овој предизвик не би бил толку голем доколку не би имало хроничен недостиг на луѓе на пазарот".
