Платформата е развиена од млади во рамки на проектот „SkopYEAH!“, со цел да придонесе за почиста и поздрава животна средина.
Проектот го спроведува Здружението „Лидери за едукација, активизам и развој“ (ЛЕАД), во соработка со Град Скопје и со финансиска поддршка од Европската Унија.
На промоцијата се најавени обраќања на градоначалникот на Скопје, Орце Ѓорѓиевски, претставникот на Европската комисија, Евоут Сендкер, и извршниот директор на ЛЕАД, Иван Јованов.
Со оваа иницијатива, младите нудат дигитално решение што треба да им го олесни на граѓаните пријавувањето на еколошките проблеми и да придонесе за нивно поефикасно решавање.
Колку платформата ќе придонесе за почисто Скопје ќе зависи и од тоа колку брзо пријавените проблеми ќе добиваат конкретен одговор и решение.