Според одлуката, пловидбата на скутери ќе биде ограничена во периодот од 1 јули до 31 август, секој ден од 11:00 до 19:00 часот.
Исто така, од 3 јуни до 31 август, чамците нема да смеат да пловат во периодот од 21:00 до 05:00 часот. Во септември, ограничувањето ќе важи од 20:00 до 06:00 часот, додека во октомври, пловидбата ќе биде забранета од 19:00 до 06:00 часот.
Од Министерството посочија дека мерката е донесена со цел намалување на ризикот од несреќи, заштита на човечките животи и обезбедување непречено користење на езерските води, а воедно, најавени се и засилени контроли.
Од надлежните институции посочија дека за непочитување на ограничувањата ќе следуваат санкции, а воедно апелираа до сопствениците и управувачите на скутери и чамци да ги почитуваат правилата за пловидба, означените безбедносни зони и насоките на службите.