Од избраните кандидати:
• 7 ќе се обучуваат за приватен пилот на авион (PPL-A SEP land),
• 2 за пилот на ултралесни летала (ULPL),
• 1 за пилот на едрилица (SPL), по програма со аерозапрега.
Повикот за кофинансирање беше објавен на 1 јули, а предвиден е за вкупно 27 лица. По завршеното тестирање, првата група од десет кандидати започнува со обука.
Покрај основните лиценци, најавени се и повици за напредни воздухопловни обуки. Иницијативата исто така има за цел да придонесе кон оживување на аероклубовите и спортските аеродроми, кои историски одиграле важна улога во создавањето на кадар за одбранбени и безбедносни институции.
Обуките опфаќаат професионални и спортско-рекреативни програми, како поттик за млади таленти и тимови што постигнале успеси на европски и светски воздухопловни натпревари.