Во најголем дел како инвеститори се јавуваат физички лица – од вкупниот број, 54 дозволи се за индивидуални инвеститори, а само 8 за компании. Вкупната проценета вредност на овие проекти изнесува 539,2 милиони денари.
Во однос на станбената изградба, во Полошкиот регион е планирана изградба на 66 станови со вкупна површина од 13.314 м². Најзастапени се:
- двособни станови (21)
- четирисобни (18)
- трисобни (14)
Планирани се и поголеми станбени единици, вклучувајќи шестособни, седумсобни и станови со осум или повеќе соби.
Помалку дозволи, но поголема вредност
Вкупниот број на издадени дозволи е намален за 26,6% во споредба со истиот месец лани. Сепак, вкупната вредност на планираните објекти достигнува над 24,5 милијарди денари, што е раст од 21,9%.
Овој пораст се должи на големи енергетски инвестиции, меѓу кои изградба на ветерни паркови во Штип, Радовиш и Карбинци со капацитет до 128 мегавати.