Министерството за здравство го објави правилникот во службениот владин весник, каде што се објавуваат нови закони и прописи, а мерките веќе стапија во сила.
Иако продажбата на алкохол на пијани лица одамна е забранета во Тајланд, сега првпат се воведуваат конкретни критериуми за утврдување на пијаноста. На продавачите им се дозволени три едноставни теста што можат да ги применуваат во продавници и барови: да побараат од купувачот со затворени очи да го допре врвот на носот, да оди неколку метри по права линија и потоа да се сврти и да стои 30 секунди на една нога, додека гласно ги брои секундите.
Доколку лицето не успее да ги изврши задачите, може да се смета за пијано и да не му се продаде алкохол.
Дополнителни знаци на алкохолна интоксикација се: мирис на алкохол, нестабилно одење, нејасен говор, црвени очи, нагли промени во расположението, агресија и намалена концентрација.
За угостителските објекти и продавачите, непочитувањето на овие правила може да резултира со високи казни.
Извор: fakulteti.mk