Извештај на Германците покажа: Ова се најдобрите, а ова најлошите автомобили – дали го има вашиот модел меѓу нив?

Извештајот дава одговори на клучни прашања поврзани со состојбата на возилата – од проблеми со подвозјето и амортизерите, преку ефикасноста на сопирачките, до појава на истекување масло. Сепак, се нагласува дека резултатите не зависат само од квалитетот на моделот, туку и од начинот на користење и одржување. Поскапите автомобили најчесто се сервисираат редовно, додека поевтините почесто се користат како работни возила и поретко посетуваат овластени сервиси.

Кај возилата стари од две до три години, меѓу најсигурните се издвојуваат VW Golf Sportsvan, VW T-Roc и VW T-Cross, со околу два проценти значајни дефекти. На спротивната страна се Dacia Logan и Dacia Duster со над 11 проценти дефекти, како и Tesla Model 3 со 8,9 проценти.

Во категоријата од четири до пет години, повторно доминираат моделите на Volkswagen, како и Audi A6 и Audi A7, со релативно низок процент на дефекти. Најлоши резултати бележат повторно Dacia Logan и Dacia Duster, како и Seat Alhambra, кај кои процентот на дефекти достигнува и до 19 проценти.

Кај возилата стари шест до седум години, најдобри резултати имаат Mazda CX-3, Audi TT и повторно VW Golf Sportsvan. Од друга страна, најлошо рангирани се Dacia Logan и Dacia Duster, кај кои дефектите надминуваат 28 проценти, како и Volkswagen Sharan.

Извештајот потврдува дека германските брендови и натаму доминираат во однос на сигурноста, но истовремено укажува дека правилното одржување и начинот на користење се клучни за долгорочната состојба на секое возило.

Извор:faktor.mk