Истото истражување покажува дека младите на возраст од 13 до 39 години издвојуваат во просек речиси 80 евра месечно за своите интереси и активности.
Во Македонија, пак, слободното време често поминува пред телевизор. Податоците на Државниот завод за статистика укажуваат дека спортот и читањето заземаат помал дел од времето на граѓаните.
Сепак, меѓу младите има и такви што активно ги негуваат своите интереси. Некои читаат книги за да се релаксираат и да избегаат од секојдневниот стрес, додека други тренираат одбојка или фудбал. Освен физичката активност, спортот им овозможува да стекнуваат нови пријателства и да поминуваат време во тим.
Хобијата носат повеќе од забава
Покрај тоа што го прават слободното време поинтересно, хобијата можат да имаат позитивно влијание и врз менталната благосостојба. Според психолозите, активностите што ни носат задоволство помагаат во намалувањето на напнатоста, ја поттикнуваат самодовербата и создаваат простор за личен развој.
Не е неопходно да се посветиме на нешто сложено или скапо. Читањето, готвењето, спортувањето или престојот во природа можат да бидат добар почеток за оние што сè уште немаат омилена активност.
Редовното занимавање со нешто што нè исполнува може да ја развива креативноста, да поттикне нови познанства и да придонесе за подобра рамнотежа меѓу работата и приватниот живот. За некои, хобито со текот на времето станува и можност за дополнителна заработка.
Слободното време не мора да биде само пауза од обврските – може да биде можност за учење, дружење и откривање нови интереси.