Каква зима ја очекува Македонија? Прогнозите најавуваат повисоки температури, но и снег
Актуелно

Каква зима ја очекува Македонија? Прогнозите најавуваат повисоки температури, но и снег

19. 11. 2026.

Македонија најверојатно ја очекува потопла зима од вообичаеното, покажуваат најновите сезонски прогнози на Европскиот центар за среднорочни временски прогнози (ECMWF) и „Коперникус“.

Според прогнозите за периодот декември 2026 – февруари 2027 година, веројатноста за натпросечни температури во Македонија изнесува околу 84 проценти.

Иако се очекува поблага зима, тоа не значи дека ќе изостанат снегот и ниските температури. Метеоролошките модели укажуваат дека декември би можел да биде со помалку снежни врнежи, додека поголеми шанси за снег се очекуваат во втората половина од зимата.

Во однос на врнежите, засега нема јасни показатели дали зимата ќе биде повлажна или посува од просекот.

Експертите предупредуваат дека и во потопла зима се можни краткотрајни студени бранови, нагли заладувања и пообилни снежни врнежи, особено при продор на студен воздух од север.