Регулаторната комисија за енергетика донесе нова одлука со која од полноќ (14 јули) поскапуваат горивата. Најголем скок има кај дизелот, кој ќе биде поскап за 5,5 денари и ќе се продава по 88 денари за литар.
Бензините исто така одат нагоре за 1,5 денар. Така, Еуросупер БС-95 ќе чини 87 денари, а Еуросупер БС-98 89 денари за литар.
Поскапува и екстра лесното масло за домаќинство за 4,5 денари, па новата цена ќе биде 86 денари за литар. Цената на мазутот се зголемува за 0,938 денари по килограм и ќе изнесува 42,168 денари.
Од Регулаторната велат дека причината за новото поскапување е растот на цените на нафтата и нафтените деривати на светските пазари. Во просек, горивата поскапуваат за 3,59 проценти.