Според најновите извештаи, „Netflix“ ќе престане да работи на околу 87 милиони уреди почнувајќи од 2-ри март 2026-та година, а на некои постари телевизори почнувајќи од 4-ти март.
Корисниците веќе почнаа да добиваат известувања на своите уреди дека услугата нема да биде достапна по почетокот на март.
Продолжување на претходната политика
Најголемата промена се однесува на конзолата „Sony PlayStation 3“, која со години беше еден од најдолготрајните поддржани уреди. Иако производството на конзолата „PS3“ заврши во 2017-та година, милиони корисници сè уште го користат овој уред за стримување содржина на „Netflix“.
Одлуката на „Netflix“ е продолжение на претходната политика, кога беше прекината поддршката за уредите „Amazon Fire TV“ од прва генерација.
Која е главната причина
Причината за крајот на поддршката лежи во техничкиот развој на апликациите.
Старите системи повеќе не можат да користат нови, посложени верзии на софтверот, што доведе до потреба корисниците да се префрлат на понови уреди.
Корисниците на „PS3“ конзоли кои сакаат да продолжат да гледаат серии, филмови и друга содржина на „Netflix“ ќе мора да се префрлат на посовремени уреди пред наведениот рок.
Оваа одлука доаѓа во време кога „Netflix“ продолжува да ја проширува и подобрува својата содржина, а корисниците ќе мора да ги следат техничките промени за да имаат непрекинат пристап до популарните серии и филмови во иднина.