Големото работно оптоварување, постојаната достапност и бришењето на границата меѓу работата и приватниот живот дополнително ја зголемуваат исцрпеноста. Лекарите сè почесто слушаат поплаки од вработени кои велат дека немаат енергија и дека тешко успеваат да направат баланс меѓу работните обврски и приватниот живот.
Проблемот особено се забележува кај професии со високо оптоварување и постојана достапност, а меѓу најпогодените се издвојуваат здравството, образованието, ИТ-секторот и менаџерските позиции. Дополнителен притисок создаваат и брзите технолошки промени, вклучително и неизвесноста околу влијанието на вештачката интелигенција врз работните места.
Хроничниот замор, несоницата и проблемите со концентрацијата може да влијаат врз ефикасноста и продуктивноста. Во исто време, дел од вработените не зборуваат отворено за проблемот, особено кога нивните работодавци го потценуваат прегорувањето или го сметаат за привремена состојба.
Истражувањата посочуваат дека редовните паузи, одморот и почитувањето на границата меѓу работата и приватниот живот се важни за намалување на исцрпеноста и подобрување на концентрацијата, меморијата и креативноста.