Повторно се обедини регионалната HR заедница.
Пазарот на труд минува низ период на интензивни промени – од забрзаното навлегување на вештачката интелигенција, до изразениот недостаток на работна сила и новите регулаторни рамки.
Токму во таков контекст, во Ровињ се одржува HR Days – најголемото регионално собирање на HR заедницата, во организација на Alma Career Croatia. Дел од оваа приказна е и Vrabotuvanje.com, како партнер на MojPosao и член на Alma Career групацијата, што дополнително ја зајакнува регионалната поврзаност и размена на знаење.
Место каде се среќаваат идеи и конкретни решенија
На едно место се собраа повеќе од 500 лидери, менаџери и HR професионалци, со заедничка цел – да разберат што навистина се случува на пазарот на труд и како на тоа да одговорат во пракса.
Конференцијата започна вчера со серија практични работилници кои веднаш понудија конкретни алатки и увиди. Од креирање огласи за работа што навистина привлекуваат внимание, преку управување со искуството на вработените од првиот контакт до нивното заминување, па сè до користење на емоциите во деловното опкружување.
Како што конференцијата продолжува, се проширува и фокусот. Денес и утре учесниците ги очекуваат нови предавања, работилници и панел-дискусии кои отвораат простор за искрени разговори за секојдневните предизвици со кои се соочуваат HR експертите и лидерите, но и бројни можности за вмрежување кое често носи еднакво вредни увиди како и самата програма.
Посебна динамика носат „жешките столчиња“ – формат без улепшување и општи одговори. На директни и конкретни прашања одговараат HR консултантката Јелена Јелушиќ, Тихана Радојковиќ (Amadria Park Група), Жељка Плеше (BAT) и Владимира Сенчар Перков (Краш), отворајќи теми од реалната деловна пракса.
Фокус на лидерство, култура и иднината на работата
Паралелно, главната сцена на HR Days носи поширока слика – онаа што ја обликува иднината на работата. Преку keynote предавања се отвораат клучни теми како подигнување на нивото на лидерство, автентичноста како конкурентска предност, одржливи системи на бенефиции, како и подготовка за доаѓањето на ЕУ директивата за транспарентност на платите.
На овие теми зборуваат меѓународно признати експерти како James Michael Lafferty, Dan Dobre и Johan Driessens, додека домашните експерти Ивица Вранчиќ и Наташа Батур ги доближуваат овие предизвици до локалниот контекст.
Темата која привлекува особено внимание е и сè поважната улога на HR во управните структури на компаниите. На панелот посветен на ова прашање, модериран од Домогој Липошиновиќ, учествуваат Мојца Домитер (Atlantic Grupa), Марин Млинариќ (Philip Morris International), Марија Зовко (Carlsberg Croatia) и Марија Фелкел (Perutnina Ptuj Група), носејќи перспектива од самиот врв на организациите.
HR Days и оваа година ги носи и примерите на најдобрите регионални HR практики – иницијативи и проекти кои покажуваат како со стратешки пристап може истовремено да се зголемат задоволството и ангажираноста на вработените, но и да се постигнат подобри деловни резултати.
Вечерните часови се резервирани за поопуштено дружење, со традиционална забава со DJ и бендот „Жива легенда“, каде идеите продолжуваат да се разменуваат во неформална атмосфера.
Сè покомплексните односи на пазарот на труд бараат отворен дијалог и размена на искуства, а токму тоа HR Days конференцијата го овозможува од година во година, потврдувајќи се како едно од најважните места за средба на HR заедницата во регионот.
Овој богат тридневен програм не би бил возможен без силната поддршка на партнерите и спонзорите. Конференцијата е поддржана од Marsh и Employer Partner како главни партнери, како и ContACT, Hansen Beck, Creativa, CoachyEfy, Seyfor, SD Worx, Шпица системи, Вечерњи лист, Tremolo, Spark promotions и Somersby.
