Бројката не е конечна, бидејќи дополнителните уписи ќе траат до крајот на септември. Од Министерството за образование очекуваат годинава да има најмалку 3.000 првачиња помалку во споредба со минатата учебна година.
Поради намалениот број ученици, се очекува и околу 200 паралелки помалку во основното и 100 помалку во средното образование. Најавено е и затворање на 26 рурални училишта во кои нема запишано ниту едно прваче.
За споредба, во учебната 2025/2026 година во прво одделение биле запишани 17.921 ученик. Во основното образование имало 174.040 ученици, а во средното 67.540.
Од Министерството за образование информираат дека учебниците се дистрибуирани и се наоѓаат во училиштата, а наставата официјално започнува на 1 септември.
По повод почетокот на учебната година, до возачите се упатува апел за зголемена внимателност околу училиштата, пешачките премини и автобуските постојки, поради поголемото присуство на деца во сообраќајот.