Температурите на одредени места ќе достигнуваат околу 39 степени, а високите вредности ќе се задржат и во текот на претстојниот продолжен викенд.
Дополнително, во петок и во деновите од продолжениот викенд – 28, 29 и 30 август – над Македонија се очекува да има сахарска прашина и песок. Поради тоа, воздухот може да биде позаматен и понечист, а чувството на жештина дополнително да се засили.
Комбинацијата од високи температури, спарно време и сахарска прашина ќе создаде тешки услови, особено за престој на отворено. Метеопатите и лицата чувствителни на временските промени, како и хронично чувствителните лица, може да почувствуваат поизразени тегоби, бидејќи биометеоролошките услови се очекува да бидат исклучително неповолни.
Граѓаните се советуваат да избегнуваат подолг престој и физичка активност на отворено во најтоплиот дел од денот, да внесуваат доволно течности и редовно да ги следат официјалните метеоролошки и здравствени препораки.