Во првата половина од годинава на европскиот пазар биле претставени речиси 40 нови електрични модели, а до крајот на годината се очекуваат уште околу 60. Истовремено, продажбата на електрични автомобили во ЕУ од јануари до август достигнала 1,64 милиони возила, што е раст од 45% во споредба со истиот период лани.
Од T&E оценуваат дека поголемиот избор на помали и подостапни модели одговара на потребите на потрошувачите. Растот го поврзуваат и со европските цели за намалување на емисиите, кои ги поттикнуваат производителите да нудат повеќе електрични возила.
Организацијата предупредува дека евентуалното ублажување на климатските цели на ЕУ може да го забави овој тренд и да го ограничи изборот на достапни електрични автомобили.