Vrabotuvanje.com - СОЛЕТА ДОО
Сподели
Tweet
Сподели

СОЛЕТА ДОО

Со желба да  создададеме квалитетни македонски производи, амбициозно  тргнавме во остварување на идејата и реализација на крајната цел.
 Со труд и напорна работа, со тим од технолози и проектанти, создадовме современ објект за преработка на месо и производство на месни производи. Индустријата за месни преработки `СОЛЕТА` - Скопје оставајќи ги сите предрасуди ,со организирано производство на површина од 2400 м², на 19 декември 1996г отпочна со работа.

Индустријата за месни преработки "СОЛЕТА" постои и започна со работа кон крајот на 1996 година, на која приказна и претходи повеќегодишно искуство, труд, работа и амбиции да се создаде капацитет за преработка на месо и производство на македонски месни производи.

Приказната започна, продолжи , и сеуште трае и опстојува по следниот тек на настаните:

   1987г. Отворена е самопослуга (трговија на мало) СТД "Ива" во нас. Железара која се вбројува во првата генерација приватни продавници воопшто на територијата на нашата држава.

 
   1989г. Формирано е трговското претпријатие ТП "Аива" кое работеше продажба на големо на еднодневно млеко и јогурт од млекара Светозарево- Р.Србија.
 
   1992г. ТП "Аива" започнува со набавка и продажба на месни производи од месната индустрија "БЕК" – Зрењанин, Р.Србија.
 
   1993г. Формирано е мешовито претпријатие ТП "Аива- Бек" во Скопје, кое воедно беше застапништво за дистрибуција и продажба на сувомеснати производи.
 
   1994г. Отпочнување со изградба на објектот за производство на месни производи.
 
   1996г. На 19 декември официјално фабриката отпочна со производство под името ИМП "СОЛЕТА", под кое сеуште егзистира и функционира.
 
   2002г. Доградба на објектот со уште еден спрат за комплетно производство и пакување на трајни производи.

Применувајќи современи методи и следејќи  ги новитетите во областа на месопреработката, во текот на изминатите години , а и понатаму, перманентно инвестираме во најсовремена технологија и опрема. Следејќи ги европските и светски трендови како и барањата и очекувањата на купувачите, создадовме македонски производи со препознатлив вкус и врвен квалитет. Потврда за тоа беше знакот за квалитет `Со гордост од Македонија` кој две години по ред ги награди нашите производи за најдобар вкус и најдобро пакување.

Нашиот асортиман го сочинуваат 70-тина производи  , кој континуирано се надоградува со нови производи , притоа задоволувајќи ги  основните производни критериуми и стандарди. Целокупната палета на производи на `СОЛЕТА` се  НАССР сертифицирани со сертификат валиден и конкурентен во земјите на ЕУ.

Производите на `СОЛЕТА` се застапени во нашите малопродажни објекти (дисконти), како и во сите поголеми и помали маркети на територијата на Р.Македонија како и надвор од границите на нашата држава. Повеќегодишното искуство, присуство и работење низ годините на промени и транзиција, во услови на неизвесно економско опкружување , беа и сеуште се мотив и стимул за поголемо докажување и исправеност пред времето и предизвиците!
Препознатливи и никогаш незаборавени од купувачите некои ќе речат `Со Солета нема диета`, но поголемиот дел го препознаваат `Квалитетот кој не е случајност`.
 

Vrabotuvanje.com.mk користи колачиња (анг. cookies) за да ви овозможи подобро корисничко искуство. Со продолжување на прегледувањето на страницата се согласувате со употребата на колачиња. Повеќе за тоа можете да прочитате овде