Што би се случило кога работниот ден би бил пократок од осум часа?
Фокусот на правата на работниците и продуктивноста на компанијата за време на пандемијата доведе некои вработени да имаат нов пристап кон работната недела на која веќе се навикнати.
Во последно време доста актулна тема е четиридневната работна недела, но оваа идеја може да биде “стресна” за некои работодавачи, или дури и да се гледа како неодржлива опција .
Некои организациски психолози предлагаат да се скрати работниот ден.
Напуштањето на работата по пократок временски период – како шест часа наместо осум – може да се покаже практично решение за многу видови бизниси, како и да се постигне многу во однос на подобрување на животот на работниците.
Теоретски, скратениот работен ден може да изгледа како екстравагантна идеја - на крајот на краиштата, работодавачите сакаат да одземат што е можно повеќе од времето на работникот, а идејата за „осумчасовен работен ден е вкоренета во индустријализираното општество“, велат психолозите.
Сепак, постојат убедливи аргументи за пократки работни денови поврзани со зголемената благосостојба на работниците и потенцијално зголемената продуктивност.
Можно е, спротивно на воспоставените норми, вработените да работат поефикасно и со подобра концентрација доколку си одат дома порано.
Работните денови од осум часа се норма во многу индустрии - и таа структура е тешко да се разниша, вели професор по организациска психологија на Школата Вартон на Универзитетот во Пенсилванија.
„Пристрасноста кон сегашната состојба е реална. Луѓето често го земаат здраво за готово стандардот со кој пораснале”, вели тој.
Работодавачите исто така играат улога во продлабочувањето на оваа работна структура, тврди тој, велејќи дека отсуството на еволуција е „недостаток на имагинација“.
Студиите покажуваат дека работењето подолги часови воопшто не мора да води до поголема продуктивност. Истражувањето од Универзитетот Стенфорд укажа на горната граница на продуктивноста: перформансите на работниците почнуваат нагло да опаѓаат по околу 48 часа неделно.
А други експерти сугерираат дека оптималниот број работни часови може да биде уште помал, во зависност од видот на работата - некои тврдат дека може да биде дури 35 часа неделно или шест часа дневно.
На крајот на краиштата, на вработените им се потребни паузи за време на работното време - што значи дека дури и најпродуктивните работници не го поминуваат секој момент вредно работејќи на деловните задачи.
Пократок работен ден, поголема мотивација за вработените.
Истражувањето на речиси 2.000 работници покажа дека во просек луѓето навистина се чувствуваат продуктивни само околу половина од нивниот работен ден.
Зголемената продуктивност може да резултира и со подобар морал на работниците и подобро физичко здравје, а крајната цел би била подобра рамнотежа помеѓу работата и животот и тоа благодарение на пократки работни денови.
.jpg)
