Стотици автомобили заглавени на Богородица за влез во Грција

Колони од стотици автомобили од Македонија и Србија, заглавени на Богородица, чекајќи влез во Грција. Ваквата е сликата на граничниот премин по најавата од Грција дека денеска се отвора границата за сите граѓани, кои се вакцинирани за ковид-19, имаат негативен ПЦР-тест или тест за антитела.Според неофицијалните информации грчката полиција не ги пропушта возила бидејќи не добиле известување од грчките власти.

Веста дека по година и половина конечно Македонците ќе можат да влезат во Грција, ги охрабри голем број наши граѓани уште веднаш да се упатат кај јужниот сосед, но за жал влезот денеска не им беше дозволен. Голем број на револтирани македонски граѓани чекаат во колони на границата со Грција.