Во пресрет на конференцијата за човечки ресурски која ја организира Послови Инфостуд, најголемиот сајт за огласи за вработување во Србија, и партнер на vrabotuvanje.com, разговараме со директорката Соња Четковиќ од која ги дознаваме моменталните случувања на пазарот на труд во Србија како и кои се последиците и промените во Србија во пандемиската година а на полето на човечки ресурси
- Гледајќи го целиот пазар, вели Директорката, ќе кажам дека кога почна пандемијата како да застнаа се’ на неколку месеци. Но некако брзо се врати. Па така уште во јуни минатата година, состојбата во однос на вкупната понуда и побарувачка започна да се враќа во нормала, додека почетокот на 2021 година и растечкиот оптимизам за крајот на пандемијата (или барем фактот дека на крајот гледаме светло на тунелот) влијаеше на значително зголемување на понудата и побарувачката на работни места во во Србија.
Оптимизмот всушност почнал многу да расте со почетокот на вакцинацијата и најавата за враќање на нормала. Но, сепак постојат сектори кои и те како биле загрозени...
- Се разбира, постојат загрозени сектори (како што се туризам и угостителство) каде побарувачката за работници значително опадна во 2020 година, но тие веќе имаат заживување оваа година.Од друга страна, постојат и сектори во кои понудата порасна многу минатата година, како што се транспортот и кол центрите. ИТ сегментот одржуваше најбрз раст лани, особено од почетокот на 2021 година, а тука се и трговија и градежништво со значително учество во структурата на побарувачката.
Во однос на побарувачите на работни места пак Соња Четковиќ вели дека кандидатите од сите демографски структури се поактивни од кога било, не само невработените, туку и вработените кои сакаат промена на работното место.
Г-га Четковиќ Вели дека потребите, очекувањата и начините на работа после пандемиската криза значително се промениле- од самата структура на понудата и побарувачката.
- Најголемата промена што во моментот се чувствува кај луѓето кои бараат работа (како и кај луѓето кои се веќе вработени) е зголемената потреба за флексибилни форми на работа - пред сè во однос на времето и местото на работа, секако на позициите каде што самиот процес на работа го дозволува тоа. Луѓето покажаа дека можат да бидат продуктивни и посветени и ако не седат во канцеларија цел ден, тимовите можат да преживеат дури и ако ги следат преку монитори. Ова прави притисок врз работодавците да покажат флексибилност и доверба дури и по пандемијата (или веќе сега, кога се надеваме дека ќе го видиме крајот), да ја ценат суштината повеќе од формата.
Работодавачите се соочуваат со предизвик да ги ревидираат своите процеси и процедури за да направат што подобра мешавина и да ги зголемат вредностите што постојат кога тимот седи и функционира заедно со оние што ги носи далечинско работење.
-Јас би рекла дека за секоја компанија клучот е да ги слуша своите луѓе, нивните потреби и аргументи и да ги вклопи во потребите на компанијата. Така, раководството и вработените заедно создаваат клима во која се градат долгорочни односи на доверба и напредок - Заклучува Директорката на Послови Инфостуд.
Во однос на предизвиците кои ги имале како компанија Послови Инфостуд велат дека за време на онаа незвесност кога се запрело, најголем фокус имале на мотивирање на вработените и посветост на нивните потреби. Тие се гордеат со фактот што не отпуштиле ниту еден вработен заради кризата а посебно се среќни што враќањето во нормала отворила нови работни позиции за проширување и зголемување на тимот. А сега се гордеат со рекордниот број на огласи кои ги имаат..
За време на пандемијата, не заборавиле ни на корисницитеи клиентите па така, Соња вели - Нашата цел беше да им покажеме на клиентите дека сме тука за нив и ако тие не вработуваат / не бараат работа како порано, создадовме содржина корисна во новите околности, услуги кои одговараа на дилеми, прашања и проблеми и работодавците и кандидатот. Тие пак ни возвратија со лојалност - Заклучува Соња
Со оглед на тоа што сe повеќе се зборува за Емплоер Брендингот, а и една од главните теми на коференцијата ќе биде токму тоа, прашавме и каков е статусот на ова поле во Србија?
- Пред Ковид кризата во Србија, дефицитот на работна сила во голем број индустрии сериозно растеше. Кога компаниите потешко наоѓаат работници што им се потребни за да го развиваат својот бизнис, расте свеста дека треба да се издвојат од малиот број кандидати, така што истите компании можат да бидат првиот избор за кандидати при промена на работното место. Значи, можам да кажам дека потребата за брендирање на работодавачот веќе беше во многу нагорна фаза во тоа време. Интересно е што побарувачката за услуги и теми за брендирање на работодавците не е намалена во изминатата година, додека во последните неколку месеци имавме посериозен раст.
Важно е да се истакне дека брендирањето на работодавачот доаѓа одвнатре, од самата компанија. Кој е пулсот во рамките на секоја компанија, какви се односите, културата, колку вработените се ценети, мотивирани, задоволни, сето тоа се рефлектира и во брендот што се гледа однадвор. И само со подобрување на овие внатрешни фактори, со работа на внатрешно брендирање на работодавачот, се создава материјалната и искрена суштина, за што потоа компанијата треба да комуницира надворешно.
Верувам во големиот потенцијал и силата на брендирањето на работодавачот и верувам дека во годините што следат, сè поголем број компании ќе инвестираат во тоа и дека бројот на добри работодавци на пазарот ќе расте.
-Нашата мисија е да ја направиме Србија подобро место за работа. Затоа ќе продолжиме да ги правиме компаниите свесни дека работењето на нивниот бренд како работодавач е нешто што им дава долгорочна сила и ќе продолжиме да им помагаме на работодавците да се подобруваат и да имаат добра репутација и нивниот добар глас надалеку да се чуе.
Главната порака на овогодинешното искуство со човечки ресурси е: Претворете ги временските предизвици во ваша корист или претворете ја кризата во можност.
Па затоа Г-ѓа Четковиќ вели:
- Време е да ги направиме работите поинаку за да ги претвориме овие промени што ни се случија изминатата година во наша корист. Затоа ја дизајниравме програмата така што преку неа споделуваме успешни практики како што правеа компаниите во Србија, така што публиката ќе слушне специфични активности и резултати од овие акции, така што сите учесници ќе можат да донесат докажани рецепти, како и инспирација за тоа како да ги подобрат програмите и практики во нивните компании. Тука е и главниот говорник Ларс Шмит, кој ќе даде свои препораки како да научиме од се што ни донесе пандемијата и како да се постигне позитивен напредок во човечките ресурси врз основа на тоа.
На крајот директорката на Послови инфостуд заврши со желбата што поскоро од Онлајн да се префли светот на човечки ресурси на нормално функционорање бидејќи основата на овој сектор е комуникација и блиски релации..
- HR се занимава со луѓе. Се градат односи. Се гради доверба. Но тоа не е изградено само на претходно закажани состаноци (што можеме да ги направиме преку Интернет) и HR системи и процеси (кои исто така можеме претежно да ги прилагодиме на интернет светот). Во суштина,човечките односи се сите оние, често неформални, врски и настани што разменуваат и градат емоции, чувство на припадност, социјален капитал што се гради преку спонтан разговор, размена на знаење, идеи.
Па ако ме прашате, едвај чекам да ги запознаам сите мои колеги во фирмата без маски за лице. Исто така, едвај чекам следниот HR Experience 2022 да се одржи во голема сала во хотел, каде што ќе размениме добри практики, идеи и ќе почувствуваме енергија во формалниот дел, како и неформалниот дел за вмрежување и ќе го почувствуваме енергија што ниту една апликација преку Интернет не може да ја пренесе.
Деталната програма на конференцијата за човечки ресурси во организација на колегите од Србија може да се најде на веб-страницата HR EXPERIENCE 2021 каде може и да се ПРИЈАВИТЕ!
