Времето денеска ќе биде променливо облачно со услови за слаб локален дожд на истокот на земјава. Попладне облачноста ќе се намали.
Ќе дува засилен ветер од северозападен и северен правец, особено изразен во поширокото Повардарие, каде ќе достигнува брзина и над 70 км/час.
Максималната дневна температура ќе се движи од 13 степени во Маврово до 22 во Гевгелија.
Во Скопје претпладне променливо облачно, попладне претежно сончево. Ќе дува засилен северен ветер. Минималната температура ќе се спушти до 9, а максималната ќе достигне 20 степени.
Од сабота следува период на претежно сончево и значително потопло време со слаб до умерен јужен ветер.
