Сакате да се занимавате со маркетинг, а дигиталните занимања отсекогаш го привлекувале вашето внимание? Доколку сте љубител на светот на социјалните мрежи, бидете сигурни дека со надградување на постојните и стекнување на нови професионални компетенции и вештини, можете да постигнете завидна кариера.
Интересни предизвици, личен развој, постојана иновација во работата и повисоки плати се само дел од придобивките што специјалистите за дигитален маркетинг можат да ги очекуваат за време на нивната кариера.
Што работи еден специјалист за дигитален маркетинг?
Оваа позиција најдобро би ја опишале како мешавина од маркетинг, односи со јавноста, copywriting (пишување текстови), но и поддршка и водење на клиенти. Одговорноста на специјалистите за интернет маркетинг не е мала, но исто така не се мали ниту позитивните ефекти што добриот дигитален професионалец може да ги има врз деловната активност на компанијата, а притоа се лесно мерливи и видливи. Секоја маркетинг алатка нуди статистики и извештаи за постигнатиот успех, па доколку сте доволно добри и креативни во својата работа, тоа може лесно да се види, презентира и да се награди од работодавачот.
Социјалните мрежи и веб-страницата се најважните комуникациски алатки на денешницата, а компанија што не оставила дигитален белег на Интернет, ќе мора да се соочи со тежок и скоро невозможен опстанок на пазарот. Сето ова оди во прилог на многуте можности да најдете работа во овој сектор.
Каде можам да работам како специјалист за дигитален маркетинг?
Дали знаевте дека многу технолошки гиганти како „Фејсбук“, „Гугл“, „Линкедин“ и „Твитер“ се одлучуваат да ангажираат дигитални професионалци? Покрај големите корпорации, многу мултинационални компании, национални брендови, па дури и мали и средни приватни компании имаат потреба од специјалисти за дигитален маркетинг. Можете исто така да отворите своја компанија за дигитален маркетинг и на тој начин да се натпреварувате на пазарот на трудот.
New Moment, А1 Македонија, Тинекс, Кемет, Бриколаж и Нептун се дел од компаниите кои нудат слободни позиции во сектор МАРКЕТИНГ - Сите огласи се на ЛИНКОТ
