Неименуваната 47-годишна жена ја извршила оваа измама додека нејзиниот сопруг бил во болница. Мажот бил преплашен и мислел дека неговата сопруга е во смртна опасност. Така, на 4 октомври повикал полиција и го пријавил наводното киднапирање.
Во меѓувреме добил пораки, кои всушност му ги праќала неговата сопруга, во кои пишувало дека е киднапирана и инструкции како да го плати откупот.
Полицијата ангажирала специјална единица која се занимава со киднапирања и која набрзо утврдила дека станува збор за лажна закана, особено благодарение на видеото на кое се гледа како 47-годишната жена ги зема парите од откупот, а потоа оди да игра бинго.
Полицајците ја пронашле во казино во близина на Барселона и ја уапсиле среде играње бинго. Таа е пуштена со кауција додека се води кривичната истрага.
