Од бугарското Министерство за туризам велат дека засега не е потребен зелен сертификат за влез во скијачките објекти.
Оваа година се очекува да започне зимската туристичка сезона во Бугарија без зелен сертификат како услов за влез во скијачките капацитети, се вели во соопштението на бугарското Министерство за туризам.
Министерката за туризам на онлајн средбата со претставниците на ски-центарот во Бугарија ги презентираше и правилата за спроведување на епидемиолошките мерки во зимската туристичка сезона 2021/2022 година, и разговараше за здравствениот протокол кој беше изработен за претстојната сезона.
Носење заштитни маски во сите објекти, регулирање и контрола на протокот на гости во хотелот и поставување информативни табли, како и јасно дефинирани правила за гондоли и жичарници се само дел од точките на кои се разговараше на состанокот.
Извор: kajgana.com
