При посета на нови места, тешко е да се препознае вистинската знаменитост или квалитет на само добро камуфлирана „туристичка стапица“. Туристите ги споделуваат своите лоши искуства, а еве кои градови се најдоа на листата на „измамници“.
Италија
Кога станува збор за италијанските градови, тие велат дека клучната работа е да се избегнуваат рестораните на главните плоштади или во близина на туристичките атракции.
„Менијата со слики од храна, преведени на неколку светски јазици, се уште еден аларм. А ако келнерите уште пред порти ве повикаат да вечерате во нивниот ресторан, тоа е универзален знак дека треба да продолжите“, тврдат тие.
Ниту Венеција и Пиза не поминаа најдобро
„Следете го примерот на Италијанците и не останувајте таму премногу долго. Во Венеција тие се склони кон измами со цените, особено кога станува збор за ручек или шопинг, а во Пиза единственото нешто што вреди една крива кула. Кога ќе се фотографирате, можете да си заминете“, велат тие.
Австрискиот Халштат беше наведен како град кој е преценет.
„Кога ќе ги погледнете неговите фотографии на интернет, ќе забележите дека сите се направени од исти два агли. Градот се карактеризира со маса туристи и евтини сувенири. Доколку сакате вистинско уживање на место на истоименото езеро, можете слободно да го прескокнете Халштат“, напишаа тие.
Во Париз најголемата замка се рестораните во близина на најголемите атракции во градот.
„Не одете во рестораните во близина на Ајфеловата кула, Лувр или катедралата Нотр Дам. Ќе добиете замрзната храна по баснословни цени“, наведуваат.
Шпанските градови се карактеризираат со измислување „време за ручек“.
„Доколку забележите дека ручекот се служи напладне во Шпанија, голема е веројатноста дека станува збор за стапица. Времето за ручек таму е помеѓу 14:30 и 16:00 часот, сè претходно не изгледа добро“, велат тие.
Иако се меѓу најпосетуваните грчки места, Миконос и Санторини се чини дека немаат најдобра репутација.
„Тоа се класични стапици спакувани во островска елеганција. Грција е богата со туристички бисери од кои ќе се воодушевите ако им дадете шанса. Исто така, има многу поевтини и ќе можете да уживате во помалку гужва“, велат тие.
Кога станува збор за Брисел, тие особено предупредуваат за една улица.
„Rue des Bouchers/Beenhouwersstraat и околината изгледаат како вистинско откритие, но всушност е вистинско разочарување. Тоа е збир од најлошите ресторани. Келнерите се обидуваат да ве примамат на секој начин, а немаат што да понудат. Освен тоа, услугата е прескапа“, велат тие.
Долгогодишна жителка на Берлин зборуваше за главниот германски град.
„Берлин е дом на многу стапици, а најголемата е Музејот на контролниот пункт Чарли. Самата внатрешност не е нешто, актерите со кои можете да се фотографирате се неверојатно скапи, а лажни советски работи можете да најдете и на друго место“, откри таа.
Доколку сакате да ја посетите исландската „Blue Lagoon“ не доаѓајте без полн паричник.
„Има толку многу природни извори таму, но овој е неверојатно скап. Од самиот влез, па сѐ до масажата и обичниот тост“, велат тие.
Во Будимпешта она што треба да се избегнува се таксијата.
„Никогаш, навистина никогаш не влегувајте во улично такси. Западнав во многу грди и чудни ситуации. Секогаш користете ја апликацијата за транспорт“, советува една корисничка.
