Последната министерска одлука од 24 јануари е во сила до понеделник и предвидуваше задолжителен негативен тест ПЦР или рапид-тест за сите патници, без разлика на националноста и начинот на влез во земјата и независно дали се вакцинирани или не
Од понеделник Грција ја укинува мерката воведена 19 декември лани за задолжителен ПЦР/рапид-тест и за вакцинираните и за невакцинираните патници за влез во земјата, мерка што важи и за државјаните на Северна Македонија, МИА од Атина.
Министерот за здравство Танос Плеврис претпладнево рече дека за оние што имаат валиден европски сертификат нема да биде потребен тест за патување во Грција.
„Од понеделник 7 февруари влезот во земјата за оние што имаат активен европски сертификат ќе биде без задолжителен тест“, изјави Плеврис.
Последната министерска одлука од 24 јануари е во сила до понеделник во шест часот наутро и предвидуваше задолжителен негативен тест ПЦР или рапид-тест за сите патници, без разлика на националноста и начинот на влез во земјата и независно дали се вакцинирани или не.
