Американскиот технолошки гигант „Амазон“ повеќе од двојно ја зголеми основната плата што ја исплаќа на своите вработени – од 160.000 на 350.000 долари.
Изминатата година беше особено конкурентна на пазарот на трудот, и по длабинска анализа на различните можности, мерејќи ги економските аспекти на нашиот бизнис и потребата да останеме конкурентни за привлекување и задржување на најдобрите таленти, решивме значително да го зголемиме нивото на наградување отколку во вообичаена година, соопштија од компанијата.
Како и многу други големи работодавци, „Амазон“ неодамна имаше потешкотии да вработува и задржува работници. Компанијата долго време се потпира на наградувањето засновано на капитал, потпирајќи се на тоа да може да привлече работници да заземат позиции дури и ако основната плата е ниска. Но, во 2021 година, акциите на компанијата се повлекоа од своите силни позиции, зголемувајќи се само за 2,4%, додека S&P 500 порасна за 27%, а стратегијата почна да ја губи својата привлечност. Медиумите објавија дека стапката на промет во „Амазон“достигнала кризно ниво. Минатата година, рекордно, од компанијата заминаа 50 потпретседатели.
Почнувајќи од 31 декември, гигантот за е-трговија вработи 1,6 милиони луѓе ширум светот, вклучувајќи и работници во магацин кои ги плаќа на час и канцелариски работници, кои ги плаќа на годишни договори. „Амазон“ им плаќа на работниците во магацин најмалку 15 долари на час, а во септември соопшти дека ја зголемил просечната плата на тие работници на 18 долари на час. За време на пандемијата, компанијата потроши значителни средства на своите логистички активности, ангажирајќи стотици илјади луѓе и плаќајќи бонуси на новите регрути.
