Роман Абрамович по две децении го напушти Челси. Рускиот милијардер, во четвртокот, доби забрана за престој во Велика Британија. Вечерва, тој се огласи со соопштение, во кое се наведува дека по 20 години заминува од клубот.
„Во текот на овие 20 години како челник на Челси, секогаш се трудев нашиот клуб да служи за пример и мојата работа да биде клубот да функционира на највисоко ниво. Да овозможам клубот да биде успешен и да градиме позитивна иднина во заедницата. Секогаш Челси ми беше на прво место и секогаш ми беше во срцето. Засекогаш ќе му бидам верен на клубот. Објавувам дека сопственоста ја предадов на Добротворната организација на Челси. Верувам дека на најдобар начин ќе се грижат за клубот, играчите, персоналот и навивачите“, напишал Абрамович.
Statement from Club Owner Roman Abramovich.
— Chelsea FC (@ChelseaFC) February 26, 2022
За потсетување, светските медиуми пред неколку дена објавија дека Абрамович е протеран од Британија, а дека причината за тоа е неговата блиска поврзаност со рускиот претседател Владимир Путин.
