Генерациите пред 1963 година, со носталгија се сеќаваат на скопската Соколана која била лоцирана во Пајко маало, од амбулантата на Првомајка кон Вардар.
Место каде освен што се спортувало, се одржувале и прочуените игранки – матинеа во Скопје.
Во монографијата ,,Над 100 години спорт во Скопје, авторот проф. Ѓорѓи Кузмановски пишува:
Иницијатор за изградба на салата за гимнастика ,„Соколана“, беше пасионираниот гимнастичар, полковник Тошо Живковиќ. Домот започна да се гради во 1924 година, а вселен е од соколите на „Матица“ на 12 февруари 1927 година, по 3 години негово градење. Сепак „Соколаната“ била готова во 1928 година. Со изградбата на „Соколаната“ храмот на гимнастиката и на многу други спортови кои таму ги започнуваа првите активности се создадоа услови за побрз развој на спортот.
- Се играше ракомет, фудбал, одбојка, кошарка... И ракометарите на РК „Работнички“ во Градски парк, тренираа и играа на црвеница, се сеќаваат старите скопјани.
- Соколана беше собиралиште на млади кои израснаа во квалитетни спортисти во гимнастика, одбојка, ракомет и други спортови.
- Вежбавме на кожни душеци, а мислам имаше и карики. Јас имав пет години ама уште го памтам мирисот на кожните душеци!
- Од 81- ва до 83 -та година професорката што не тренираше во уметничко пливање во базенот во Карпош беше Паула, живееше некаде во Тафталиџе, мислам. Десетина години пред тоа беше една од организаторите на републичкиот натпревар по гимнастика токму во Соколана, се сеќава со посебна носталгија еден стар скопјанец.
Спомените се тука да не потсетуваат на едно убаво време кое верувам дека секој од вас ќе се пронајде меѓу редовите на текстот!
извор: skopjeinfo.mk
