Во 1969 година, ексцентричниот уметник Салвадор Дали го купил замокот Пубол од 11 век за неговата муза и сопруга Гала. Замокот бил во лоша состојба, а Дали лично ги надгледувал работите околу неговата реставрација.
Ги украсил и таваните, со идеја кога неговата сакана ќе ја крене главата, секогаш да се сеќава на него.
Откако го добила овој скап подарок, Гала му рекла на својот сопруг: „Го прифаќам замокот Пубол, но под еден услов: ќе дојдеш кај мене само со писмена покана“.
Овие зборови го воодушевиле уметникот: неговата муза никогаш не престанала да биде непробојна тврдина за него. Денес во замокот Пубол е сместена куќата-музеј на брачната двојка, која е отворена за туристи.
Но, како започнала нивната љубовна приказна?
Гала имала многу љубовни врски, а меѓу нив се истакнувале Макс Ернст, кој исто така ја насликал како и Дали, и со некои други истакнати надреалисти како што се францускиот писател Андре Бретон, поетот Пол Елијар и шпанскиот филмски режисер Луис Буњел.
Во 1929 година, Гала го запознала Салвадор Дали во Шпанија, длабоко се вљубила во него и го оставила нејзиниот сопруг, поетот Пол Елијар и нивната ќерка, за да се пресели со Дали во рибарската куќичка во којашто тој живеел.
Тоа било љубов на прв поглед. Во својот „Таен живот“, Дали напишал: „Таа беше предодредена да биде мојата Градива, таа што оди напред, мојата победа, мојата сопруга“.
Гала веднаш станала неговата муза, модел во делата на Дали, честопати во религиозни улоги како што е Пресвета Богородица во сликата Мадона од Порт Лигат.
Гала ги обожавала своите Тарот карти. Ги користела при носење на секоја важна одлука, а нејзините тарот читања имале и големо влијание врз кариерата на Дали.
Американската колекционерка на уметнички дела Пеги Гугенхајм, во своите мемоари, ја опишала Гала како „згодна“, но „премногу вештачка за да биде сочувствителна“.
Кога моторното нарушување на 76-годишна возраст му се влошило и одвај можел да држи четка во раката, Дали станал помалку толерантен кон постојаните вонбрачни афери на Гала.
Еден ден, тој ѝ скршил две ребра, а Гала му дала големи дози валиум и други седативи, што го направиле летаргичен.
.jpg)
